07 DECEMBRE 2011: FANAMBARANA ATAON’NY FIKAMBANAN’NY BEN’NY TANANA FARITRA VAKINANKARATRA

Izahay Ben’ny Tanàna avy amin’ireo Commune rehetra eto amin’ny Faritra Vakinankaratra izay nanao fivoriam-be teto Antsirabe dia manao izao fanambrana manaraka izao :

Ho tapitra amin’ity volana Desambra 2011 ity ny fe-potoam-piasan’ireo Ben’ny Tanàna sy Filankevitry ny tanàna izay hany sisa olom-boafidy eto amin’ny firenena, miarahaba ny fitondram-panjakana sy ny vahoaka malagasy noho ny firosoana amin’ny fanatanterahana ny TONDROZOTRA :
- Fametrahana ny Piraiminisitrin’ny marimaritra iraisana
-Governemanta ny firaisam-pirenena
-Ireo rafitra Parlemanteran’ny tetezamita

Koa ho fanohizana izany fanatanterahana ny tondrozotra sy mba hisian’ny fitohizan’ny fikatsahana ny fitoniam-bahoaka na « apaisement » dia heverinay Ben’ny tanàn’ny Vakinankaratra fa :
-Tsara ny fanohizan’ireo Ben’ny tanàna sy ny filan-kevitra rehentra amperin’asa ny asany mandra-pisy ny fifidianana izay ho Ben’ny tanàna manaraka eo ka eo amin’ny fotoana hanombohan’ny fampielezan-kevitra vao tokony hisy ny fanaovana fiatoana vonjimaika na « disponibilité », sy ho fanohizana ireo asa fampandrosoana efa imatimatesan’ireo Ben’ny tanàna amperin’asa sy n y vahoaka.

Vonona izahay hiara-hifanome tànana amin’ny fampahombiazan’ny Tetezamita sy ny fanatanterahana ny TONDROZOTRA ary marihanay fa tsy voasoratra ao anatin’izany TONDROZOTRA izany ny momban’ny Ben’ny tanàna sy n y Filan-kevitra.

Anio 07 Desambra 2011

                                                                                                  Manao sonia ireo Ben’ny tanàna Vakinankaratra

 

Unité de communication région Vakinankaratra ( 09 decembre 2011)

ACCUEIL

RETOUR